Денес во рамки на 6. коло во Трета лига – Југозапад на теренот со вештачка трева во Охрид, Света Троица 2021 ќе се соочи против Кравари. Тренерот на домашниот тим, Боге Бимбилоски вели дека Крвари е квалитетен тим, но очекува неговите играчи да се покажат во одлично издание и со поддршка од навивачите да дојде неговиот тим до победа.
„Играме против квалитетен тим како што е Кравари. Очекувам тежок натпревар, но верувам дека моите играчи ќе даде се’ од себе и ќе ги израдуваат нашите навивачи. Потребни ни се бодови бидејќи следуваат тешки гостување. Ги повикувам сите љубителите на фудбалот да дојдат и да уживаат“, рече Бимбилоски.
Натпреварот се игра денес со почеток од 14 часот, а правдата ќе ја дели Ѓорѓи Лаброски од Струга.
