Второлигашот Шкендија Арачиново направи големо изненадување откако во осминафиналето го исфрли прволигашот Пелистер од Купот на Македонија славејќи со минимални 1:0.
Стрелец на единствениот победнички гол беше Арсим Љамалари кој во 51. минута беше прецизен за да го однесе неговиот тим во четвртфиналето од Купот на Македонија.
Екипата на Струга Трим Лум беше пресилна на гостувањето кај Македонија ЃП и славеше со високи 0:5. Во првиот дел стружани постигнаа погодок преку Ѓорѓе Ивковиќ во 29. минута, а во вториот дел беа постигнати четири погодоци.
Стрелци на истите беа Арби Воша во 51. минута, потоа стрелаше Басироу Кампаоре, во 86. минута погоди Христијан Малески, а конечниот резултат го постави Стефан Јевтоски.
Силекс со 1:2 славеше на гостувањето кај Башкими во Куманово и со тоа тимот од Кратово е во четвртфиналето. Дарко Додев по само четири минути игра погоди за водство на Силекс од 0:1, а пред крајот на првиот дел Марио Симоновски постигна гол за 1:1 на полувреме.
Во вториот дел Милош Николиќ во 70. минута постигна гол за конечни 1:2 и големо славје на Силекс вредно четвртфиналето.
Пенали го одлучија победникот на мечот меѓу Работнички и Брегалница, откако двете екипи ремизираа во регуларниот дел играјќи 1:1. Џељиљ Асани во 13. минута постигна гол за водство на Работнички од 1:0, откако беше прецизен од белата точка. На стартот од вториот дел Еди Мандак погоди во 49. минута за 1:1, а до крајот немаше погодоци.
Во пена серијата за Шкендија Арачиново не реализираше токму Џељиљ Асани, а погодија Демир Имери, Бразилецот Калани Карилхо Дос Сантос Алмеида, Виктор Велекоски и Бесир Демири.
За Брегалница погодија Ристе Темелков, Дарко Алексовски и Виткро Серафимовски, а пак не реализираа Горан Силјановски и Стефан Коцев.
Утре, Вардар игра против Новаци, а осминафиналето ќе се комплетира на 19 ноември со натпреварот меѓу Шкендија и Тиквеш. Претходно, четвртфинале обезбедија второлигашот Детонит Плачковица и Охрид, откако радовишани славеа над Беласица со 0:1, а пак Охриѓани го декласираа Шкупи со 3:0 на домашен терен.
