Познати судиите за осминафиналните натпревари од Купот на Македонија, од кои три ќр бидат утре на програмата, а еден в среда.
Доне Ристовски од Гевгелија ќе биде главен судија на мечот меѓу Македонија ЃП и Струга Трим Лим. Негови помошници ќе бидат Тоше Ицев и Душко Панов од Кавадарци, а пак Боби Величков од Велес ќе биде четврт судија.
Николче Ивановски од Битола ќе биде делегат, а пак Никола Караколев од Штип е делегиран за контролор.
Башкими ќе се соочи со Силекс, а главен судија ќе биде Стојанче Трпчевски од Кавадарци, а негови асистенти ќе бидат Дарко Видиниќ и Филип Ицковски од Скопје. Четврт судија ќе биде Марјан Младеновски од Скопје.
Горан Илиќ од Скопје е делегат, а Игор Ширилов од Скопје е контролор.
Фуркан Идризи од Тетово ќе им суди на Работнички и Брегалница, а ќе му помагаат Александар Ѓорѓески и Идриз Идризи од Тетово, а четврт судија ќе биде Александар Урошевиќ од Тетово.
Гоце Шопоски од Струга е делегат, а контролор ќе биде Димитар Мечкаровски од Скопје.
Димитар Пилешков од Штип ќе им суди на Шкендија Арачиново и Пелистер, а ќе му помагаат Кристијан Џонов од Штип и Зоран Саздовски од Скопје. За четврт судија е делегиран Здравко Костовски од Штип.
Делегат ќе биде Антонио Насевски од Кратово, а контролор Јосип Бартон од Тетово.
Овие три меча се играа утре со почеток од 14 часот.
Натпреварот меѓу Вардар и Новаци ќе се одигра в среда од 14 часот. Главен судија на овој меч ќе биде Кирил Смоквоски од Прилеп, а ќе му помагаат Иле Мишески и Дино Конески, исто така од Прилеп.
Бењамин Ќерими од Скопје ќе биде четврт судија, делегат ќе биде Кочо Зердески од Кичево, а Коле Василев од Скопје ќе биде контролор.
Осминафиналето ќе се комплетира на 19 ноември со мечот меѓу Шкендија и Тиквеш. Досега од осминафиналето се одиграа два меча, а од кои место во четвртфиналето обезбедија второлигашите Детонит Плачковица кој со 0:1 ја доби Беласица и Охрид кој со 3:0 го декласираше Шкупи.
