Најтрофејниот македонски фудбалски клуб Вардар денес го одигра пријателскиот натпревар со второлигашот Големо Коњари, кој го доби со резултат од 0:4. Резултатот од мечот беше во втор план, двете екипи ја проверија формата пред продолжението од првенството откако се јави пауза поради локалните избори, а кај прволигашите и поради репрезентативната пауза.
Овој меч беше вистински фудбалски празник за прилепско Големо Коњари, публиката и сите присутни уживаа во натпреварот на фудбалскиот гигант со најмногу титули во македонскиот фудбал. Вардар одлучи да направи мини подготовки во Охрид, пред дербито кое го очекува со шампионот Шкендија, а притоа и ја провери формата на пријателскиот меч со Големо Коњари.
Вардар кој го води Гоце Седлоски потекнува токму од прилепско Големо Коњари, а на овој начин најтрофејниот македонски клуб уште еднаш ја продолжи традијата да одигра пријателски натпревари и со екипи од понизок ранг на натпреварување, откако претходно играше со третолигашите Карбици, Овче Поле и Рудар.
Дефинитивно овој пријателски меч ќе остане запиша во историјата на Големо Коњари, кој во Втората лига ќе води тешка борба за опстанок.
