Македонските ракометни судии, Методија и Михајло Илиевски, повторно ќе бидат дел од европската сцена. Тие добија делегирање од Европската ракометна федерација и викендов патуваат во Турција, каде ќе делат правда на два натпревари од ЕХФ Европскиот куп.
На 18 и 19 октомври, со почеток во 16:00 часот, ќе се одиграат двата реванш меча меѓу турскиот Бурса и исландскиот Хафнарфјордур во рамки на второто коло од ЕХФ Европскиот куп.
Европската ракометна федерација денеска ги објави имињата на официјалните лица за овие натпревари, а делегат на двомечот ќе биде Грузиецот Гевашвили.
Со ова ново назначување, браќата Илиевски уште еднаш ја потврдуваат довербата што ја уживаат кај ЕХФ и континуитетот на нивните европски ангажмани.
