Со воведниот меч меѓу СЕЕ Униерсити и Конзули во Тетово ќе се отвори второто коло од Втората футсал лига на Македонија.
Битолскиот Конзули првиот меч не го одигра, како што информираше Спортска Мрежа битолскиот тим како домаќин против Овче Поле играше во Свети Николе, но таму се појави само со тројца играчи, па мечот не се одигра.
СЕЕ Университи загуби во Струга во првото коло, а сега ќе бара прва победа во улога на фаворит против гостинот од Битола.
Втората рунда ќе се игра во три дена, в сабота ќе се одиграат три натпревар. Балкан ќе биде домаќин на Победа во меч на две екипи кои тргнаа со триумф. Победа беше пресилна и триумфираше над Карадаку со 23:4, а сигурна победа имаше и Балкан.
Каршиака во првото коло беше слобона, а в сабота на домашен терен ќе игра против Енхалон, гостинот од Струга сезоната ја отвори со триумф.
Кратово на домашен терен ќе бара позитивен резултат против Кораби од Дебар, екипа која на стартот од новата сезона не го одигра првиот меч бидејќи Партизан Југ Брвеница во сала се појави со два играчи, за што исто така информираше Спортска Мрежа.
В недела ќе се одиграат два натпревари за да се комплетира колото.
Ланскиот прволигаш Карадаку во првото коло беше буквално декласиран од Победа, па в недела ќе бара рехабилитација од тој голем пораз кој сака да го заборави брзо против штипски Мал Ајакс, кој пак со триумф ја започна новата сезона.
Ланскиот прволигаш Овче Поле на домашен терен ќе игра против ССК Скопје, па практично за домаќинот ова ќе биде прв меч бидејќи Конзули во Свети Николе дојде со тројца играчи и мечот не се одигра.
