Македонскиот џудист Марко Димитријоски, член на клубот „Пролетер“, освои бронзен медал во категоријата до 46 килограми на Балканското првенство во џудо за пионери, кое се одржа во Будва, Црна Гора.
Во конкуренција на најдобрите млади џудисти од регионот, Димитријоски демонстрираше одлична форма, техничка подготвеност и борбен дух, остварувајќи пет победи од вкупно шест борби. Со тоа го потврди својот квалитет и големиот потенцијал што го поседува.
На Балканското првенство во Будва, Македонија настапи со седум натпреварувачи: Марко Димитријоски, Филип Митревски, Ангел Стојовски, Марија Китевска, Марија Ангелова, Дила Пупаловиќ и Јована Цветкоска. Репрезентацијата ја предводеше селекторот Игор Димитријоски.
Настапот на младите џудисти претставуваше вредно меѓународно искуство и можност за напредок, додека правдата на првенството ја делеше македонскиот судија Сашо Димовски.
