ФОТО: Влазними слави во Дебар и изби на врвот, Могила го доби дербито со Напредок во Ношпал

Могила однесе висока победа од 1:3 во дербито со Напредок во Ношпал од 5. коло на Трета лига – Југозапад.

Исходот по првите 45 минути беше 1:1, откако Драганчо Мицески го отвори резултатот за водство на Могила во 22. минута, а пак во 45. минута Филип Кебаковски израмни на 1:1.

Во вториот дел не требаше многу за гостинот да дојде до висока предност откако Димитар Николоски погоди во 47. минута за 1:2, а пак голгетерот Хакан Алимовски во 53. минута ги постави конечните 1:3.

Судијата Дарко Котевски имаше доста работа, откако за домашниот тим подели четири жолти картони, а за гостинот дури пет.

Натпреварот меѓу Караорман и Кравари во Струга беше единствениот каде мрежите останаа чисти, двете екипи ги поделија бодовите играјќи 0:0.

Демир Хисар ги собра трите бодови во Охрид благодарение на погодокот на Андреј Стевановски кој во 31. минута постигна гол за триумф од минимални 0:1 над Света Троица.

Влазними славеше со 0:2 на Градскиот стадион во Дебар против Кораб со што струшкиот тим е на врвот од табелата во Трета лига – Запад по пет кола.

Самед Кадриоски погоди во 27. минута за отварање на резултатот, а пак искусниот Аљтин Лога ги постави конечните 0:2 во 39. минута од средбата.

Велешта и Славеј од Мешеишта ги поделија бодовите во ефикасен меч со шест погодоци за конечни 3:3.

Гостинот од Мешеишта го отвори резултатот преку Климент Гиновски во 32. минута, а пред крајот на првиот дел Аљбрим Положани постигна гол за 1:1. Во вториот дел домаќинот направи пресврт преку Диели Каба во 55. минута, а по пет минути Никола Јордески постигна гол за 2:2.

Велешта дојде до нова предност од 3:2, откако судијата Енис Зекмановски покажа на белата точка за домаќинот, а Елмаз Шеи беше прецизен во 88. минута, но само една минута подоцна Антонио Ќитаноски ги постави конечните 3:3 за делба на „пленот“.