Трета лига – Југ урива рекорди по постигнати погодоци, а во петтото коло на шест натпревари беа постигнати вкупно 35 погодоци.
Екипата на Превалец како на тренинг меч го доби Бучин на гостински терен со убедливи 0:6. Натпревар на тотална доминација на велешкиот тим, а гостинот беше инфериорен да може да парира.
Лука Наумов во 18. минута го отвори резултатот за водство на гостинот од 0:1, а до крајот на првиот дел Маријан Здравевски и Александар Јордановски постигнаа погодоци за 0:3 на полувреме.
На самиот старт од вториот дел Давид Спиридонов погоди за високи 0:4, а во 63. минута Благојче Ефтинџиоски си постигна автогол, додека пак Пеце Стојанов во 72. минута ги постави конечните 0:6.
Со резултат од 0:6 славеше и тимот на Питу Гули од Крушево на гостувањето кај Младост во Кривогаштани.
Домаќинот издржа едно полувреме откако Кирил Пупуноски погоди во 30. минута за 0:1 на полувреме. Во вториот дел стрелаа Ѓорѓи Срезовски, Унча Бојаџиев, а пак Адмир Угљанин постигна два гола. Ивица Мијајлески си постигна автогол.
Слободан Дуков сам го победи Дреново со четири погодоци за голема победа на Росоман од 8:2.
За домашниот тим двапати погоди Кадир Куртишов, а по еден гол постигнаа Стефан Костовски и Блаже Цветков за голема победа на Росоман. За гостинот во вториот дел погодија Ангел Коцев и Ернес Амедоски.
Најнеизвесно беше на мечот меѓу Влазними Јуниор и Башкими од Јаболчиште, откако домаќинот победи со 2:1.
Гостинот преку Адмир Азизов дојде до предност од 0:1 на полувреме, а во вториот дел преку Фљамур Рустеми и Мевљан Усеиноски кој погоди од белата точка домаќинот направи пресврт за победа од 2:1.
Тополка немаше сили и доживеа висок пораз на домашен терен откако загуби од Ултрас со 0:6.
Даниле Богојевски го отвори резултатот во 26. минута за 0:1, а во 43. минута Дарио Наумовски погоди за 0:2 на полувреме.
Во вториот дел Наумовски имаше уште два погодоци за негов хет-трик, а по еден гол постигнаа Бобан Тошески и Миодраг Тасески од белата точка.
Ланскиот второлигаш Борец со 4:0 забележа домашна победа над Венец од Долни Дисан. Милан Чичевски беше двоен стрелец, а по еден гол постигнаа Илхан Имеров и Теодор Мирчевски.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК БОРЕЦ 1919 АД | 5 | 4 | 0 | 1 | 18 | 1 | +17 | 12 |
| 2 🔼 | ФК РОСОМАН-83 | 5 | 3 | 2 | 0 | 14 | 6 | +8 | 11 |
| 3 🔽 | ФК ПРЕВАЛЕЦ | 4 | 3 | 1 | 0 | 21 | 2 | +19 | 10 |
| 4 ➖ | ФК ПИТУ ГУЛИ | 4 | 3 | 1 | 0 | 15 | 2 | +13 | 10 |
| 5 ➖ | ФК УЛТРАС | 5 | 3 | 1 | 1 | 18 | 8 | +10 | 10 |
| 6 ➖ | ФК Влазними Јуниор | 5 | 3 | 1 | 1 | 12 | 10 | +2 | 10 |
| 7 ➖ | ФК БАШКИМИ 2008 | 4 | 1 | 2 | 1 | 9 | 4 | +5 | 5 |
| 8 ➖ | ФК Бучин | 5 | 1 | 2 | 2 | 4 | 12 | -8 | 5 |
| 9 ➖ | ФК ВЕНЕЦ с.Долни Дисан | 5 | 1 | 1 | 3 | 8 | 10 | -2 | 4 |
| 10 ➖ | ФК МЛАДОСТ 1930 | 5 | 1 | 0 | 4 | 4 | 24 | -20 | 3 |
| 11 ➖ | ФК МЛЕКАР | 4 | 0 | 1 | 3 | 1 | 12 | -11 | 1 |
| 12 ➖ | ФК ДРЕНОВО 2016 | 4 | 0 | 1 | 3 | 4 | 18 | -14 | 1 |
| 13 ➖ | ФК ТОПОЛКА | 5 | 0 | 1 | 4 | 1 | 20 | -19 | 1 |
| 14 ➖ | ФК СЛОГА 1976 | 0 | 0 | 0 | 0 | 0 | 0 | 0 | 0 |
