Второлигашот Беласица остана без тренер откако Александар Стојанов, шефот на стручниот штаб на екипата од Струмица си поднесе оставка после денешниот пораз во Кочани, кога струмичани беа поразени со 3:1 од Осогово во меч од 8. коло.
Ова е втор сезонски пораз за Беласица, но втор во низа откако во претходното коло Беласица загуби дома од Шкендија Арачиново со минимални 0:1, а сега загуби со 3:1 во Кочани од Осогово.
Стојанов се огласи по поразот и ја превзема целата одговорност на себе и поднесува оставка од позицијата шеф на стручен штаб во Беласица.
„Во спортот успехот и неуспехот се рамо до рамо,некогаш ќе бидеш победникот а некогаш ќе се соочиш и со поразот. Правилните возачи кога тимот победува целото величење го насочуваат кон тимот а кога ќе се сретнат со поразот превзимаат се врз свои плеки. Можеби факт во моментот е дека не е тоа што треба да биде и не е тоа според очекувањата на клубот, а и јас сум тренер кој бара успех а кога има неуспех и после два едно по друго порази имам доблест да ја превземам целата одговорност врз мој грб. Дадов се што можев да дадам до сега,се посветив целосно со цело срце и душа за овој клуб но некогаш кога почнува нешто да не оди сваќаш дека е време да се повлечеш само за да оди клубот до зацртаната цел. Се надевам на крајот од првенството дека клубот кој за мене значи светост ќе биде на местото на кое припаѓа во македонскиот фудбал. Од денес со тешко срце но со човечка, спортска и пред се тренерска доблест се повлекувам од позицијата шеф на стручен штаб на ФК Беласица. Голема благодарност на сите во клубот од претседеталот Пинда, играчите,стручниот штаб, економот и нашите најверни навивачи Ајдуци кои сите овие натпревари ни беа 12-ти играч. Беласица останува дел од мене и понатаму. До следно видување. Само Беласица“, вели Стојанов.
