По седум кола во Втората фудбалска лига само две екипи не се израдувале на победа, Вардарски и Беласица се единствените кои немаат триумф.
После долги 27 години Вардарски се врати во Втората лига, разликата во квалитетот меѓу Трета и Втора лига е голем, па тешко му оди на Вардарски да се адаптира на второлигашкиот фудбал, но реално Вардарски имаше доста тежок распоред и играше против фаворити каде реално тешко е да се освојуваат бодови, па така сега пред Вардарски доаѓаат натпревари условно кажано со противници каде второлигашот од Богданци ќе може да се носи за трите бодови.
- РЕЗУЛТАТИ НА ВАРДАРСКИ ОД ПРВО ДО СЕДМО КОЛО ВО ВТОРАТА ЛИГА:
1 коло: Скопје 2:2 Вардарски
2 коло: Вардарски 1:3 Кожуф
3 коло: Детонит Плачковица 1:1 Вардарски
4 коло: Борец 3:1 Вардарски
5 коло: Вардарски 1:2 Брегалница
6 коло: Варадрски 0:2 Македонија ЃП
7 коло: Арсими 3:0 Вардарски
Во првите седум кола Вардарски имаше повеќе од тешки натпревари, па така од можни 21 бод екипата на Вардарски собра само скромни два бодови, реми со Скопје во Автокоманда и со Детонит Плачковица во Радовиш.
Од друга страна Беласица и понатаму нема триумф во Втората лига, струмичкиот второлигаш дава шанса на млади играчи, работи со млади играчи од сопствените погони на кои им треба време за созревање, а тоа значи губење на натпревари, на бодови…
Струмичани запишаа пораз на стартот од новата сезона, а потоа влегоа во една серија со која можеби ќе постават и рекорд како тргнало, откако нанижаа шест ремија во низа.
- РЕЗУЛТАТИ НА БЕЛАСИЦА ОД ПРВО ДО СЕДМО КОЛО ВО ВТОРАТА ЛИГА:
1 коло: Арсими 4:2 Беласица
2 коло: Вардар Неготино 2:2 Беласица
3 коло: Беласица 1:1 Охрид
4 коло: Беласица 1:1 Победа
5 коло: Башкими 1:1 Беласица
6 коло: Новаци 0:0 Беласица
7 коло: Беласица 2:2 Каменица Саса
Реално Беласица имаше далеку полесен распроед на почетокот од сезоната, пред Беласица доправа доаѓаат потешките натпревари како со Брегалница и Македонија ЃП, па тука е и Детонит Плачковица и Кожуф.
Натпреварот меѓу Вардарски и Беласица се игра в сабота од 14 часот на Градскиот стадион во Богданци, во регионалното дерби на богданчани и струмичани за прво сезонско славје и освојување на првиот „плен“ вреден три бодови.
