В недела започнува новата сезона во Општинската фудбалска лига во Струмица или Четврта лига по ранг на натпреварување.
Со вкупно осум екипи од кои седум од струмичко и една од радовишко ќе биде составена ОФЛ Струмица за сезона 2025/2026.
Во рамки на првото коло Напредок во Радово ќе го пречека тимот на Илинден од Добрејци, додека пак Дрвош како домаќин ќе игра против Единство од Пиперово.
Екипата на Слога од радовишкото село Злеово ја очекува гостување кај Интер Кукла во Куклиш, додека пак Огражден во Ново Село ќе биде домаќин на Спартмани од Балдовци.
Натпреварите ќе започнат во 14 часот.
По неколку години пауза се реактивира Општинската фудбалска лига во Струмица, а Општинскиот фудбалски сојуз Струмица на чело со претседателот Илија Илиев – Рома и секретарот Столе Костадинов уште еднаш покажа дека е одлично организиран со визија и стратегија за долг период.
