По пет одиграни кола во Третата фудбалска лига – Север нема промени на врвот од листата на најдобри стрелци. Фудбалерот на Фортуна, Орхан Мифтар и понатаму е најдобар со девет постигнати погодоци.
На второто место со пет погодоци е Ферван Фетаи кој настапува за екипата на Беса Влазрими, а пак Дарио Десниќ од Шкендија Арачиново има постигнато четири погодоци.
ПО три гола имаа Кристијан Ивановски од Кадино, Мартин Лазев од Ржаничино, АНгел Настевски од Еуромилк, Лавдрим Сулимаин од Беса Влазрими, Леутрим Таири од Риниа, Дарко Тодоровски од Куманово и Марко Тренески од Њу Старс.
Вкупно 19 фудбалери се запишале во листата на најдобри стрелци со постигнати два гола.
Во однос на постигнатите автоголови, оваа неславна листа ја предводи Ергин Шерифи, фудбалерот на Куманово со два постигнати автогола, а по еден автогол имаат постигнато Адем Аџами од БВК Коњаре, Марко Киш од Њу Старс и Антонио Македон Поповски од екипата на Аеродром.
