Третата рунда од Општинската фудбалска лига во Гази Баба или Четврта лига донесе дури три ремија и две победи од пет одиграни натпревари, а во рамки на оваа рунда одмараше екипата на Марино.
Маџари Солидарност и Илинден ги поделија бодовите во меч со четири погодоци за конечни 2:2.
Гостинот преку Антониот Петровски во 24. минута дојде до водство од 0:1 на полувреме. Во вториот дел Златан Крстевски во 64. минута израмни на 1:1, во 76. минута Коста Најдовски погоди за ново водство на Илинден од 1:2.
Домашниот тим се спаси од пораз и обезбеди бод благодарение на вториот гол на Крстевски кој погоди во 92. минута за конечни 2:2.
Дељадровци и ланскиот третолигаш Петровец ги поделија бодовите откако одиграа 1:1. Насковски во 7. минута погоди за домаќинот, а во 35. минута Трајковски ги постави конечните 1:1.
Реми со по еден гол (1:) беше забележан и на мечот меѓу Бујковци и Гоце Делчев, откако гостинот во финишот дојде до бод.
Аземи во 73. минута постигна гол за 1:0, а Петревски во 90. минута постигна гол за конечни 1:1 и поделба на бодовите.
Миладиновци на домашен терен претрпе пораз од 1:3 од екипата на Долно Коњари. Бишевац во 3. минута постигна гол за 0:1 на полувреме. Во второто полувреме Марковски од пенал израмни на 1:1, а потоа Мушовиќ даде гол за 1:2 и водство за гостинскиот тим, а потоа токму Мушовиќ доби црвен картон со што гостинскиот тим беше со играч помалку на теренот.
Во 87. минута Цветковски постигна гол за конечни 1:3 и голема победа за гостинот.
Инџиково со 3:2 го доби дуелот со Ускуп на домашен терен. Во првиот дел паднаа по еден гол откако Кумбараџи даде гол за 0:1, а потоа Трпковски даде гол за 1:1 на полувреме.
Во второто полувреме Дарлишта стрелаше за водство на гостинскиот тим, а потоа со два брзи гола во 68. и 70. минута на Виктор Петровски домаќинот направи пресврт за конечни 3:2.
- ТАБЕЛА ОД ОФЛ ГАЗИ БАБА – ЧЕТВРТА ЛИГА:
