Голема чест и гордост за прилепското селото Големо Коњари! На 8 октомври (среда), националната репрезентација на Ерменија до 21 година ќе одржи официјален тренинг на локалниот стадион во рамки на подготовките за квалификацискиот натпревар против Македонија.
Тренингот ќе започне во 16:30 часот, а љубителите на фудбалот од регионот ќе имаат можност одблиску да ги следат младите ерменски репрезентативци и нивниот стручен штаб.
Посетата на Ерменија У21 претставува големо признание за инфраструктурата и условите во Големо Коњари, кои се покажуваат како одлична дестинација за спортски подготовки.
Инаку, Ерменија ќе игра против Македонија на 10 октомври на стадионот „Петар Милошевски“ во Битола, во рамки на квалификациите за Европското првенство 2027 година.
Фудбалското село Големо Коњари ќе биде дел од подготовките на една национална селекција – настан кој сигурно ќе остане запаметен во спортската историја на овој регион.
