Ракометниот клуб ГРК Охрид ја започна продажбата на билети за натпреварите од второто коло во ЕХФ Европскиот Куп, каде што охридските „гладијатори“ ќе се соочат со екипата на РК Баки од Азербејџан 🇦🇿.
Двата натпревари ќе се одиграат во салата „Билјанини извори“ на 11 и 12 октомври со почеток во 18:00 часот, а билетите се веќе достапни онлајн преку следниот линк.
Покрај тоа, билетите ќе може да се купат и на билетарата при СРЦ „Билјанини извори“ на 10, 11 и 12 октомври.
Од клубот информираат дека сезонските билети нема да важат за натпреварите од ЕХФ Европскиот Куп.
Охридската публика се очекува повторно да го исполни спортскиот храм и да им даде силна поддршка на своите ракометари во обидот да обезбедат пласман во следната рунда од европското натпреварување.
