Македонската фудбалска репрезентација до 19 години на 9 и 12 октомври ќе одигра два контролни натпревари против соодветната селекција на Црна Гора. Натпреварите ќе се одиграат во Даниловград и Подгорица.
Селекторот Ерхан Селими за овие проверки ќе смета на следниот состав:
Голмани: Давид Илиоски (АП Брера), Павел Трјковски (Партизан, Србија)
Одбрана: Златко Радески (Тетекс), Абдулах Аслани (Лунгби, Данска), Горазд Ристовски (Црвена Звезда, Србија), Давид Стојаноски (Браво, Словенија), Лука Атанасовски (Тетекс), Андреј Мурџески (Вардар), Назиф Цека (Шкендија), Емир Шаботиќ (Вардар), Агон Бајрами (Фортуна Дизелдорф, Германија), Мичо Поповски (Вардар)
Среден ред: Каменчо Андоновски (АП Брера), Кренар Хоти (Работнички), Марко Киш (Сесвете, Хрватска), Ариф Локи (Коге, Данска), Адмир Љатифи (Осијек, Хрватска), Аритон Мехмед (Шкупи), Ненад Дамјаноски (Домжале, Словенија)
Напад: Хисар Али (Фероникели, Косово), Стефан Бранковски (Марибор, Словенија), Давид Ивановски (Винтертур, Швајцарија)
Репрезентацијата до 19 години се подготвува за квалификацискиот турнир за пласман во елитната фаза од квалификациите за Европското првенство. Турнирот ќе се одржи од 12 до 18 ноември во Португалија, каде што нашите надежи ќе се соочат со селекциите на Португалија, Белгија и Естонија.
