Со натпреварот меѓу Аеродром и Ржаничино денес ќе биде отворено 5. коло во Трета лига – Запад, а кое се затвара утре.
Познати се и судиите кои ќе ја делат правдата, а на денешниот воведен меч главен судија ќе биде Методија Ставров од Скопје, со помошниците Бранко Путилин и Енес Оскача од Скопје.
Валтон Маличи од село Матејче ќе им суди на Студеничани и Беса од Сарај, а ќе му помагаат Фуркан Фетаху и Иљаз Рамадани од Куманово.
Стојанче Колев од Скопје ќе биде задолжен да ја дели правдата на мечот меѓу Фортуна и Пчиња, а негови асистенти ќе бидат Филип Тодоровски и Александар Атанасовски од Скопје.
Кадино на домашен терен ќе се соочи со Куманово, а главен судија ќе биде Дејан Младеновски од Скопје, а негови помошници ќе бидат Бојан Божиновски од Скопје и Христијан Стојанчевски од Скопје.
Борче Павловиќ од Скопје ќе биде главен арбитар на мечот меѓу новиот третолигаш Отља и Беса од Слупчане. Негови помошници ќе бидат Стефан Стојановски и Александар Николоски од Скопје.
Ненад Тодоровски од Скопје ќе биде главен судија на натпреварот меѓу Башкими Љуботен и некогашниот прволигаш Еуромилк ГЛ, а ќе му помагаат Теодора Крстевска и Анастасија Брајковска од Скопје.
Лопати во Доброшане ќе го пречека БВК Коњаре, а овде главен арбитар ќе биде Бобан Јовановски од Скопје со помошниците Иван Ивановиќ и Александар Ѓорѓиевски од Скопје.
