Берат Имери и официјално беше промовиран како нов шеф на стручниот штаб на прволигашот Беса од Добри Дол, за што најави Спортска Мрежа, а потоа клубот потврди.
Новиот тренер по именувањето рече дека верува дека работите ќе одат на добро и ќе се обидат да ги постигнат најдобрите можни резултати.
„Разговорот со претседателот на клубот беше многу краток, желбата беше обострана да бидам тренер на Беса. Верувам дека работите ќе одат добро и ќе се обидеме што помалку да зборуаме,а да работиме што е можно повеќе за да ги постигнеме најдобрите можни резултати“, рече Имери по назначувањето за нов трнер на Беса.
45-годишниот стратег веќе го имаше и првиот тренинг со Беса, а неговото деби ќе биде против Вардар на домашен терен, а во рамки на 10. коло од Првата лига.
Имери претходно со Воска Спорт испиша историја, откако охридскиот клуб го внесе од Втора во Првата македонска фудбалска лига, со што Воска Спорт игра во фудбалската елита на Македонија веќе втора сезона.
