Со натпреварите од првото коло викендот започнува новата сезона од Втората футсал лига на Македонија во која ќе се натпреваруваа 13 екипи. Борбата ќе биде за првите две места кои директно водат кон пласман во Првата футсал лига на Македонија.
Сезоната стартува со три натпревари кои се играат в сабота. Конзули од Битола ќе игра против ланскиот прволигаш Овче Поле, но наместо овој меч да се игра во Битола ќе се одигра во Свети Николе, па практично тоа ќе значи дека Овче Поле само формално ќе биде гостин.
ССК на домашен терне ќе игра против Балкан, додека пак во Дебар ќе се соочат Кораби и Партизан Југ од Брвеница.
Во недела ќе се одиграат два натправари. Во Прилеп екипата на Победа ќе го пречека ланскиот прволигаш Карадаку, додека пак во Штип ќе се соочат Мал Ајакс и Кратово.
Колото ќе се затвори в понеделник со мечот во Струга меѓу Енхалон и СЕЕ Университи, а во првото коло слободна ќе биде екипата на Каришиака.
