Македонската фудбалска репрезентација до 19 години на 4. и 6. септември ќе одигра два пријателски натпревари против Босна и Херцеговина. Првиот меч е закажан на стадионот во Радовиш, додека вториот, два дена подоцна, ќе се игра во Струмица на стадионот „Благој Истатов“.
Селекторот Ерхан Селими за овие пријателски средби ќе смета на следните фудбалери:
Голмани: Давид Илиоски (АП Брера), Онур Бешир (Тетекс), Павел Трајковски (Партизан, Србија)
Одбрана: Златко Радески (Тетекс), Абдулах Аслани (Лунгби, Данска), Горазд Ристовски (Црвена Звезда, Србија), Давид Стојаноски (Браво, Словенија), Лука Атанасовски (Детонит), Андреј Мурџески (Вардар), Назиф Цека (Шкендија), Емир Шаботиќ (Вардар)
Среден ред: Каменчо Андоновски (АП Брера), Кренар Хоти (Работнички), Марко Киш (Сесвете, Хрватска), Ариф Локи (ХБ Коге, Данска), Ненад Дамјаноски (Домжале, Словенија), Виктор Делов (АП Брера), Адмир Љатифи (Осијек, Хрватска), Аритон Мехмед (Шкупи)
Напад: Игор Ристов (АП Брера), Дитмир Хоџа (Работнички), Стефан Младеновски (Црвена Звезда, Србија), Кадри Брути (Шкупи)
Овие пријателски средби се дел од подготовките на репрезентацијата за квалификацискиот турнир за пласман во Елитната фаза на Европското првенство. Турнирот ќе се одржи од 12 до 18 ноември во Португалија, каде Македонија ќе се соочи со домашната селекција, Белгија и Естонија.
Претходно, на 9 и 12 октомври, младинскиот тим ќе одигра два контролни натпревари против Црна Гора на гостински терен, како дел од подготовките за предизвиците кои следат.
