Изминатиот викенд се одиграа натпреварите од второто коло на Општинската фудбалска лига во Кисела Вода или Четврта лига по ранг на натпреварување.
Второто коло донесе многу погодоци на петте натпревари беа постигнати 29 погодоци.
Најмногу погодоци постигна Слободен кој со 9:0 го декласираше ССК Младинец, во натпревар каде Петар Деспотовски постигна хет-трик, а по еден гол постигнаа Ѓунер Јусуфи, Седат Сали, Реџеп Бислим, Емир Бакијов, Петар Петрушевски и Никола Миновски.
Овој натпревар се одигра под рефлектори што е за поздравување со оглед дека Првата и Втората лига не нудат натпревари под рефлектори, но затоа може да се ужива во меч под рефлектори во Четврта лига. Во оваа сезона само еден меч се одигра под рефлектори од Втората лига и неколку во Првата лига.
Висока победa однесе и тимот на Зелениково кој со 1:7 славеше над Вардар 75, кој беше немоќен на домашен терен да парира против расположение противник.
За домашниот тим Марко Маркоски беше единствен стрелец, додека пак за гостинот двојни стрелци беа Ивица Продановаски, Ивица Милевски и Горан Огњановски, а пак Антонио Најдовски си постигна автогол.
Ланскиот третолигаш ССК Нова на домашен терен загуби од екипата на Победа 2012, во меч каде за домашниот тим Џаферовски беше единствен стрелец, а за гостинот стрелаа Георгиевски, Маркоски и Димитриевски.
Текстилец на домашен терен доживеа висок пораз од екипата на Кул Здравје со резултат од 0:3, а стрелци беа Дончевски во 41. минута, Паднев во 70. минута и Џајкоски во 73. минута.
Екипата на Студеничан со 5:0 го декласираше тимот на Славија Пржеино, во меч каде Зејди Шабани беше двоен стрелец, а по еден гол постигнаа Емини, Касами и Кадри.
