Ракометарот на Вардар, Филип Талески, веднаш по натпреварот со Тримо Требње, за Спортска Мрежа изрази пофални зборови во однос на квалитетот на турнирот.
„Прво морам да го пофалам турнирот тука, во Охрид. Навистина има доста квалитетни екипи и секој натпревар е неизвесен, што се виде и во претходните натпревари дека сите играат добар, брз ракомет..што е модерно за ова време“, вели Талески за Спортска Мрежа.
Во однос на натпреварот, изјави дека истиот го започнале лошо, како и сите три досега, но сепак е задоволен од тоа што, сепак успеваат да се консолидираат во вториот дел и да победат.
„Натпреварот го отворивме лошо, како и сите досега. Ова ни е трет натпревар, а и првите, исто така ги отворивме лошо..меѓутоа добро е што знаеме да се смириме и знаеме во второ полувреме да го направиме она што го тренираме. Можам да кажам дека во второто полувреме ги наттрчавме , постојано го контролиравме резултатот..тие се вратија, имаа можност и да израмнат, меѓутоа ние не потпаднавме под притисок и го задржавме водството“, смета ракометарот на Вардар.
