Спортска Мрежа од Струга
Финалето на Струшкиот турнир помеѓу Охрид и Бутел се отвори со егал борба, но по 13 минути игра Бутел успеа да дојде до 2 разлика.
Тимот на Бутел сакаше да се надигрува и да покаже дека не е случајно во големото финале.
“Гладијаторите” во продолжението изрмнија на 6:6 по седумнаесет минути игра. Во 23 минута екипата на Охрид имаше гол предност од 10:9. Во 27 минута, Охрид дојде до плус два при 12:10.
Одличната игра на “гладијаторите” продолжи со плус три при 13:10. Па така, на полувреме се замина со резултат 14:11 за Охриѓани.
По 9 минути игра во второто полувреме, резултатот беше 17:14 за Охрид.
Во средината на второто полувреме предноста на Охрид се зголеми и на 5 гола разлика- 21:16. Во 53тата минута Охриѓани стигнаа и до највисоки плус 6 – 26:20.
Амбициозниот Охрид успеа до крај да ја сочува позитивата и да го добие ова финале со конечни 30:24.
Охрид го освои Струшкиот турнир, а Бутел заврши на второто место.
Дарко Ѓукиќ со девет гола беше прв стрелец за Охрид, а шест гола имаше Анте Иванковиќ, кај Бутел, Давид Јаневски имаше седум гола.
На голот на Охрид блескаше Бобан Блажески со 11 интервенции.
За МВП на турнирот во Струга беше прогласен левиот бек на Охрид, Анте Иванковиќ.
Новиот голман на Охрид Бојан Блажески беше прогласен за најдобар голман.
Најдобар стрелец е Филип Мечкароски од РК Струга со 21 погодок.
Сега ракометните возбудувања се селат во Охрид.
