Фудбалскиот терен во Долни Подлог, кочанско повторно ќе биде центар на младинскиот спортски дух, бидејќи таму веќе утре започнува традиционалниот турнир во фудбал, кој годинава слави 46 години постоење и важи за еден од најдолговечните спортски настани во регионот.
На турнирот годинава ќе учествуваат осум екипи составени од млади и перспективни фудбалери, а спортскиот спектакл ќе започне со натпреварот меѓу екипите на Горни Подлог и Долни Подлог, што ќе биде дерби уште на воведниот меч.
Натпреварите ќе се играат во вечерните часови, а влезот за публиката ќе биде слободен.
Ноќните натпревари ќе биде причина плус за многубројна публика која ќе ужива во одличен фудбал.
Организаторите за Спортска Мрежа најавуваат динамични и возбудливи дуели, но во преден план ќе биде фер-плеј атмосфера и многу моменти кои ќе се паметат, а кои од генерација на генерација се раскажуваат.
Настанот е финансиски и логистички поддржан од општина Кочани, која и оваа година ја потврдува својата поддршка за младинскиот спорт.
Годинава учество земаат екипите на Долни Подлог, Горни Подлог, Осогово (младинци), Облешево, Кучешиново, Чифлик, Спанчево и Соколарци.
Спортска традиција жива речици половина век, од недела започнува фудбалската магија, a големото финале е закажано за 28 август.
Спортска Мрежа годинава за првпат медиумски ќе го поддржи овој спортски настан.
