Младиот македонски тенисер Марко Алексовски обезбеди пласман во четвртфиналето на турнирот во Барселона за играчи до 14 години, кој е од највисоката категорија 1. Член на ITF-Tennis Europe тимот, финансиран од Grand Slam Development Fund, Алексовски денес оствари убедлива победа во третото коло.
Во сингл конкуренцијата, тој го совлада Хозе Луис Вега Понс од Шпанија со 2:0 во сетови – 6:0 и 7:6 (3). Во конкуренцијата на двојки, Алексовски заедно со Франциско Сардиња од Португалија (со кого утре ќе игра во четвртфинале во сингл), како први носители, извојуваа триумф над Даниел Елиас и Реита Јаманака со 2:1 (6:4; 5:7; 10-7), иако во меч- тајбрејкот имаа негатива од 1:7.
Денешниот дуел помеѓу Алексовски и Сардиња се очекува да биде едно од најголемите дерби средби на турнирот.
