Второлигашот Шкендија Арачиново продолжува со засилувања во пресрет на новата натпреварувачка сезона а го претстави своето најново име – искусниот централeн играч за врска Бурхан Алији.
Со потпишувањето на Алији, тимот добива фудбалер со богато искуство, лидерски квалитети и докажана работа на домашната фудбалска сцена. Тој пристигнува од редовите на Башкими, каде што минатата сезона беше меѓу најзаслужните за стабилната игра на тимот во средниот ред.
Во својата повеќе од две децении долга кариера, 35-годишниот Алији носеше дресови на бројни познати македонски клубови – Шкендија Тетово, Силекс, Тетекс, како и косовската Лирија. Исто така, остави силен печат и во дресовите на Гостивар, Ренова и Еуромилк ГЛ, каде се истакнуваше со борбеност, преглед на играта и прецизни додавања.
Од раководството на Шкендија Арачиново очекуваат дека токму Алији ќе биде клучната алка за стабилност и креативност во средниот ред, што ќе помогне во исполнување на амбициите за успешна сезона.
