Во рамки на 6. коло од Општинската фудбалска лига А1 односно Прилеп или Четврта лига, каде екипите не Млекар и Козара однесоа високи победи.
Стрела на домашен терен немаше сили да парира на одличниот тим на Млекар кој запиша победа со 0:3, откако славеше со головите на Радиновац, Ачкоски и Спасески кои стрелаа во првиот дел.
Победа од 3:0 забележа и Козара од Заполжани откако славеше над Корзо. Костадиноски постигна гол во 8. минута за 1:0, а Ристески за 2:0 на полувреме во вторито дел Јончески постигна гол за конечни 3:0.
Најнеизвесно беше на дуелот меѓу Прилеп Сити и Напредок Крушеани, каде домашниот тим со 2:1 однесе победа. христијан Илиески во 43. минута погоди за 1:0 на полувреме. Во вториот дел од натпреварот Валентин Ѓоргоски погоди во 66. минута за 1:1 со што гостинскиот тим влезе во борба за трите бодови, сепак брзо по само пет минути игра Далибор Милески ги постави конечните 2:1.
Во оваа коло слободна беше екипата на Кадица.
Во однос на табелата токму Кадица со максимални 6 бодови е на врвот од табелата, по четири бодови имаат Стрела која е втора, Козара е трета, а пак Прилеп Сити е четврти исто така со 4 бодови.
Млекар е петти со три бодови, а пак Корзо е шести со три бодови, додека пак на дното со еден бод е поранешниот третолигаш Напредок Крушеани.
Во рамки на 3. коло од Општинската фудбалска лига А2 Прилеп , убедлива победа од 1:3 однесе Динамо над Братство Големо Коњари.
На полувреме гостинскиот тим имаше предност од два погодоци односно 0:2, откако Тодоровски постигна гол во 6. минута за 0:1, а Талески во 43. минута за 0:2.
Во второто полувреме домашниот тим преку Божиноски намали на 1:2 и со тоа се врати во игра барем за реми, но во 90. минута Тодороски со втор гол ги постави конечните 1:3.
Пролетер на домашен терен со 2:1 запиша победа над Боротино преку пресврт, откако гостинскиот тим со голот на Боболески во 36. минута поведе со 0:1, а пак Усеиноски погоди за 1:1 на полувреме.
Во второто полувреме од натпреварот кој се играше на теренот со вештачка трева во Прилеп се водеше борба за гол кој би донел три бодови, а домашниот тим во 82. минута успеа да дојде до својата цел откако Демироски постигна гол за комплетен пресврт и конечни 2:1.
Четири погодоци и реми за поделба на бодовите откако Кадино од Прилеп и Гарван Десово ремизираа играјќи 2:2.
Ферат Амедоски беше двоен стрелец за домашниот тим, а за гостинот стрелци беа Малиќ Рамовиќ и Сади Османоски. Гостинскиот тим имаше водство од 0:2, а потоа домаќинот намали на 1:2 на полувреме, по што домашниот тим во вториот дел дојде до конечните 2:2 и поделба на бодовите.
Во рамки на оваа коло слободна беше екипата на Црвена Звезда.
Во однос на табелата лидер е Гарван Десово со седум бодови, Црвена Звезда од Сенокос е на второто место со шест бодови, а пак Кадино Прилеп е трет со четири бодови.
Динамо е на четвртото место со три бодови, а толку бодови имаат Братство Големо Коњари, Пролетер од Прилеп, а без бодови е Боротино кој е на дното.
