Денес беше комплетирано првото коло од Првата футсал лига, откако истото беше отворено во саботата со големата победа над Форца над Железарец од 11:1 за што информираше Спортска Мрежа.
Осогово на домашен терен во Крива Паланка со убедлии 7:1 го декласираше тимот на кеги Моби од Велес, кој немаше сили да парира на расположение домаќин кој има квалитетен тим со кој ќе конурира за врвот од табелата.
Победата беше најавена на полувреме кога резултат беше 3:0 за домаќинот. Резултатот го отвори искусниот Адријан Мицевски по пет минути игра за 1:0, потоа Кристијан Ристовски погоди за 2:0, а пак Давид Ристовски зголеми на 3:0.
Во вториот дел продолжи голеадата откако Ристовски со втор гол зголеми на 4:0, а пак Виктор Димков стрелаше за 5:0 и тотален дебакл на гостинот од Велес. Во 35. минута Адил Адиловиќ намали на 5:1, но пак затоа домаќинто постигна два брзи гола, откако Димков во 37. минута со втор гол зголеми на 6:1, а во 38. минута Никола Стојмировски погоди за конечни 7:1.
Повратникот во Првата лига, екипата на Проект одлично ја отвори новата сезона во елитата откако со 0:5 ја декласираше Црна Река среде Кавадарци.
Марио Благојевски беше двоен стрелец, а двоен стрелец беше и Димитар Јанев, додека пак еден гол постигна Трајче Трајков.
