Утре ќе се комплетира првото коло од новата сезона од Првата футсал лига со четири натпревари, откако истото беше отворено вчера со убедливата победа на шампионот Форца од 11:1 над Железарец за што информираше Спортска Мрежа со извештај за воведниот натпревар.
Осогово во Крива Паланка ќе се соочи со екипата на Кеги Моби од Велес, во меч кој ќе започне во 18:30 часот, а пак повратникот во елитата Јувентус Серава на домашен терен ќе игра против Шкупи, каде се очекува дерби меч за трите бодови. Натпреварот ќе започне во 18:30 часот.
Црна Река во Кавадарци ќе го пречека повратникот Проект, кој лани како шампион во Втората лига експресно се врати во Првата футсал лига. Трите бодови се императив и за двете страни. Мечот ќе стартува во 19 часот.
Бутел на домашен терен ќе игра против Клими од Кавадарци, во неизвесен меч каде и двете екипи ги посакуваат трите бодови. Натпреварот ќе започен во 20:45 часот
