Во рамки на седмото коло од Првата женска фудблска лига Каменица Саса на домашен терен се соочи со Скопје 2014 каде домашниот тим со голот бугарската интернационалка Антонина Шопска дојде до триумф од минимални 1:0.
Истатов на домашен терен беше немоќен против фаворитот, актуелниот шампион од Љуботен, каде гостинот од Тетово запиша нова победа со резултат од 0:3 во меч каде 33-годишната Колумбијка Ингрид Јулиет Видал Исаза беше двоен стрелец, а вториот гол беше дело на Настасја Накова.
Речица на домашен терен доживеа голем пораз од повратникот Атлетико, откако гостинот од Битола стигна до прво сезонска славје со резултат од 2:7. За домашниот двата погодоци во второто полувреме ги постигна Емили Митковска, а за гостинот двојни стрелци беа Мелиса Милица Димитриоска и Сара Слободанка Димитриоска, а пак по еден гол постигнаа Емилија Петковска, Анета Марковска и искусната Симона Тасева.
Топ Гол на домашен терен приреди изненадување против фаворитот Ас Јунајтед кој загуби со 2:1 во Битола. По само две минути игра Сара Стевановска постигна гол за 1:0, а во 5. минута искусната голгетерка Улза Максути погоди за 1:1. Неизвесноста траеше до 82. минута кога Маргарита Талевска постигна гол за конечни 2:1 и огромна победа за Топ Гол, практично тоа беше прво сезонско славје за битолскиот тим.
Во рамки на седмата рунда слободна беше екипата на Тиверија Брера од Струмица.
