Во Трета лига – Север денес се одиграа натпреварите од четвртото коло. Екс второлигашот Кадино на домашен терен го пречека тимот на БВК Коњаре каде гостинот забележа победа од 1:2. Шакири и Бишевац беа стрелци за 0:2 на полувреме, а во вториот дел Николовски погоди за конечните 1:2.
Риниа на свој терен играше со новиот третолигаш Њу Старс каде забележа победа во меч со пет гола за 3:2. Марко Киш си постигна автогол, а со тоа Риниа имаше предност, а во финишот на првиот дел Киш даде гол за 1:1. Во второто полувреме гостинот преку Петревски дојде и до водство од 1:2, но во финишот на мечот Риниа преку Исмаили и Таири дојде до победа преку пресврт од 3:2.
Башкими Љуботен се соочи со шампионот Куманово, каде исходот беше реми (1:1). Во првиот дел немаше погодоци, а во второто полувреме Нусрет Курти во 52. минута погоди за 1:0, а во 80. минута Кристијан Златковски постигна гол за конечни 1:1.
Новиот третолигаш Пчиња како домаќин имаше тежок меч против големиот фаворит Шкендија од Арачиново каде фаворитот однесе нова победа од 0:3. Еркан Шаип во 16. минута погоди за 0:1 на полувреме, а во вториот дел Дарио Десниќ во 60. минута зголеми на 0:2, додека пак Џавид Мамути погоди во 90. минута за конечни 0:3.
Поранешниот прволигаш Еуромилк ГЛ на домашен терен како фаворит го пречека Аеродром, во меч каде домаќинот само со минимални 1:0 славеше со голот на Томче Павловски во 38. минута и тоа од пенал.
Фортуна играше со Академија Илинден каде Орхан Мифтари практично сам го победи противникот со четири погодоци, откако Фортуна триумфираше со 4:1, а за гостинот погоди само Енсар Сулемани.
Беса Влазрими ги одмери силите со Ржаничино каде однесе победа од 3:0 со погодоците на Демири и Ајдини за 2:0 на полуреме и Фетаи во вториот дел за конечни 3:0.
