Шкендија Арачиново продолжува со засилувања во пресрет на новата сезона во Втората македонска фудбалска лига. Ново име во таборот на скопскиот клуб е 21-годишниот крилен напаѓач Албан Шабани, кој доаѓа од редовите на Арсими.
Шабани игра на десната страна од нападот, а во црвено-белиот дрес се очекува да донесе брзина, дриблинг и ефикасност.
„Среќен сум што ќе се приклучам на Шкендија Арачиново. Ова е важен чекор за мене во кариерата и ќе дадам сè од себе“, изјави младиот офанзивец.
Во својата досегашна кариера, Шабани има настапувано за Работнички и хрватска Горица како младинец, а сениорски настапи бележи и во Воска Спорт. Како млад фудбалер имал можност да тренира и во академиите на гигантите Манчестер Сити, Арсенал и Севиља, што сведочи за неговиот талент и потенцијал.
Клубот од Арачиново претходно го назначи Љупчо Марковски – Калц за нов шеф на стручниот штаб, со амбиции за успешна сезона. Новата сезона во Втората лига започнува на 23 август, а Шкендија Арачиново се подготвува со целосна посветеност и јасна визија.
