На Градскиот стадион во Штип се одигра дербито меѓу Брегалница и Кожуф, натпревар каде трите бодови беа императив и на двете страни. Брегалница на овој меч беше фаворит поради домашниот терен, формата и публиката, а исходот во Штип беше 1:0 за сините.
Одличен прв дел и на двете екипи со неколку шанси, но Брегалница со голот на Давид Стојков имаше водство од 1:0 на полувреме. Во вториот дел немаше погодоци.
Башкими како домаќин против Победа играше на Градскиот стадион во Гостивар каде домаќинот забележа триумф од 3:1 преку Хамза, Демири и Саити кои беа стрелци за Башкими, а за прилепчани гол даде Талески.
Беласица на домашен терен против Каменица Саса ја бараше првата победа во новата сезона, во меч кој се одигра на стадионот „Благој Истатов“ во Струмица каде исходот беше 2:2.
На полувреме Беласица имаше предност од 2:1, откако Стојанов и Дебрешлиоски постигнаа погодоци за водство на струмичани од 2:0, а потоа Симевски постигна гол за 2:1 на полувреме. Во вториот дел Чурлинов обезбеди бод за Саса, а Беласица пак остана без победа.
Во Велес се одигра меч на поранешните прволигаши Борец го пречека Скопје каде ремизираа двете екипи 2:2. За домаќинот стрелаа Османи и Јордановски, за гостинот Дани и Пашариковски.
На Градскиот стадион во Радовиш се соочија екипите на Детонит Плачковица и Вардар од Неготино каде исходот беше 1:1.
Радовишани преку Лука Трајкоски први дојдоа до водство, а потоа Трајкоски си постигна автогол за 1:1 на полувреме. Во вториот дел немаше погодоци.
Ланскиот прволигаш Македонија ЃП на домашен терен играше против Осогово од Кочани, во меч каде „лавовите“ беа фаворити за трите бодови со триумф од 2:0 прелу Стоилов и Христов.
На „Билјанини Извори“ се соочија Охрид и Новаци, а победа преку пресврт однесе Охрид од 3:1. Торнески погоди за 0:1, а потоа Охрид преку Парталко, Дишлиевски и Попоски дојде до нови три бода.
На полувреме немаше погодоци, чисти мрежи за 0:0.
Вчера, како што веќе информираше Спортска Мрежа, Арсими вчера со 3:0 го доби Вардарски.
Следува репрезентативна пауза, а по истата ќе следуваат мечевите од осмото коло.
