Градскиот ракометниот клуб Охрид ги стартуваше подготовките за новата натпреварувачка сезона 2025/2026, влегувајќи со голема решителност и јасни цели.
Почна долгорочниот проект од најмалку три години, кој ќе го води тренерот Борис Ројевиќ. На првиот тренинг, стручниот тим ги имаше на располагање речиси сите играчи, освен повредениот Теимураз Орјоникидзе, кој продолжува со рехабилитација во Грузија.
Стручниот штаб на охриѓани, во новата сезона 2025/2026, ќе го сочинуваат Борис Ројевиќ – тренер, Наум Бабачев – помошник тренер, Крсте Андоновски – помошник тренер, Зоран Георгиески – тренер на голмани, Андрија Њаради – кондициски тренер, Љупчо Атанасов – физиотерапевт, Димитар Спироски – физиотерапевт и Огнен Шешоски – доктор на екипата.
На голманската позиција, Охрид, на располагање ќе ги има, покрај своите досегашни и одлични Градимир Чаневски и Даниел Ѓорѓески, и новото искусно засилување од Бутел, Бојан Блажески.
Пивотменската позиција ќе биде составена од Иван Тасески, Владимир Бојаниќ, новото грчко засилување – Николаос Лиапис, како и шпанецот- Ориол Реј Моралес.
Леви крила во ростерот за новата сезона на охриѓани се Гоце Ојлески и Никола Ристески. Леви бекови се Теимураз Орјоникидзе, Анте Иванковиќ, Стефан Петриќ, Дејан Кукуловски и Илија Трајчески. Средни бекови во ростерот на „гладијаторите“ се Ловро Јотиќ и Тилен Стрмлјан.
Десни бекови се Предраг Вејин, Давид Савревски и повратникот – Никола Шипинкоски. Десни крила се новото засилување – Дарко Ѓукиќ и досегашниот стандарден играч на Охрид- Гал Цирар.
