ЖФК Истатов интензивно се подготвува за новата сезона во Првата женска фудбалска лига под водство на искусниот стратег Кирил Изов.
Веќе две недели „Истатовки“ ја темпираат формата во Пржино каде има одлични услови за работа.
Клубот досега се засили со Весна Милојевиќ, Ива Крстевска, Матеа Спасовска, Оља Лазовска, Мери Трајковска, Искра Смилевска како и искусната Елма Шемсовиќ.
Клубот го прославија и својот десети роденден, а по тој повод Спортска Мрежа снимаше емисија со стратегот Кирил Изов, каде зборувавме за почетоците на клубот, идејата за основање, развојот на клубот, за успесите, освојувањето на шампионската титула и Куп титулата, за настапот во квалификациите за Лигата на шампионите и многу други теми.
Емисијата посветена на ЖФК Истатов, а по повод десеттиот роденден ќе можете да ја проследите во недела (27 јули) од 22:30 часот на YouTube каналот на Спортска Мрежа.
Во рамки на подготовките искусниот Кирил Изов формата ќе ја проверува преку пријателски меч со Скопје на 31 јули, потоа на 5 август со Каменица Саса во Скопје и со учество на турнир во Струга каде покрај Истатов ќе игра и домаќинот Ас Јунајтед, Тиверија Брера и Скопје.
