Второлигашот Кожуф од Гевгелија претстави пет нови засилувања за следната сезона 2025/2026.
Во тимот кој сега ќе го предводи стратегот Иван Варадиноски беа претставени стоперите Дарко Стојанов, Христијан Бејков и Бојан Ивчески, потоа дефанзивниот играч за врска Ники Зумровски и напаѓачот Албан Мемеди.
Искусниот Стојанов доаѓа од редовите на Слога Виница, а низ својата кариера Стојанов настапуваше за Детонит Плачковица, Гостивар, Вардар, Брегалница, Ренова, Борец, Хоризонт Турново, Маџари Солидарност, Беласица и бугарски Дунав Русе.
Бејков пристига од Вардарски, екипа која минатата сезона беше дел од Втора лига, а низ својата кариера настапуваше и за Беласица и Металург.
Мемеди пристига од Башкими, а има настапувано и за Воска Спорт, Детонит Плачковица, Шкендија, Лирија во Косово и Милано од Куманово.
Во Кожуф од Победа пристигна Ивчески, а пак Зумровски пристига од Вардар Неготино, всушност тој е повратник во Кожуф, а беше дел од Дукла од Словачка и Тиверија.
Според информациите на Спортска Мрежа се очекува уште едно до две засилувања да пристигнат во Кожуф во следниот период.
