Екипата на Тиквеш одлично го започна подготвителниот период во Турција. Кавадаречкиот прволигаш славеше на двете контролни средби против турски екипи, покажувајќи одлична форма уште на самиот старт.
Во првиот натпревар Тиквеш убедливо ја совлада Анталијаспор со 4-2, но и во вториот натпревар кавадарчани стигнаа и до втор триумф, победувајќи ја Адана 01 со 2-0.
Мишов од пенал го отвори резултатот за македонскиот тим, додека конечниот резултат од 2-0 беше поставен по автоголот на противнички фудбалер, по центаршутот на Миловановиќ.
Голманот Тасев имаше блескаво издание, со низа одлични интервенции, меѓу кои и одбранет пенал, со што значително придонесе за новата победа на својот тим.
