Второлигашот Слога Виница започнува со одигрување на пријателски натпревар со цел темпирање на формата за новата сезона во Втората лига, која ќе започне на 23 август.
Ова ќе биде пријателски натпревар на два повратници во Втората лига. Слога Виница по неколку години пауза се врати во Втора лига откако лани стана шампион во Трета лига – Исток и преку бараж ја совлада Преспа и се врати во второлигашкото друштво. Тетекс пак беше шампион во Трета лига – Запад минатата сезона, а во баражот преку пенали го совлада Големо Коњари и направи експресен кам-бек во Втората лига.
Овој пријателски меч се игра денес на Градскиот стадион во Виница со почеток од 17:30 часот.
