Клубот од главниот град на Босна и Херцеговина продолжува да се засилува со македонски фудбалери. Откако поранешниот македонски репрезентативец Крсте Велкоски се врати во ФК Сараево, но овојпат како дел од раководството на клубот, тимот веќе ангажираше двајца македонски играчи. Прв беше Стефан Ристовски, а денес и официјално беше претставен и Агон Елези.
Македонскиот репрезентативец потпиша договор со „бордо“ тимот до 2028 година, откако претходно ја раскина соработката со германскиот Бохум. Елези минатата сезона беше на позајмица во хрватска Горица, но по враќањето во Бохум не доби шанса за поголема минутажа, по што одлучи да ја продолжи кариерата на Балканот.
24 годишниот Елези зад себе има интернационално искуство настапувајќи за неколку клубови во француски Каен, албански Скендербеу и хрватски Вараждин, а со добрите настапи во Вараждин си обезбеди трансфер во Германија.
