Второлигашот Вардар Неготино ги „запали моторите“ за новата сезона во која тимот ќе цели кон директен опстанок во Втората лига со оглед на кратењето на лигата и директното испаѓање на пет екипи, а три ќе играат бараж за опстанок, ќе биде вистински предизвик.
Клубот има сериозни промени – нова управа, но и нов стручен штаб, а ќе има неколку промени и во играчкиот кадар.
Откако беше одржан првиот состанок на стручниот штаб и играчите веднаш потоа се одржа и првиот тренинг со што беше означен стартот на подготовките.
Од клубот веќе замина голманот Кристијан Ѓорѓиевски за што претходно објави Спортска Мрежа.
Раководството веќе работи на договор за пријателски натпревари преку кои ќе се проверува формата за новата сезона, а која ќе започне на 23 август (сабота).
Во следниот период се очекува повеќе информации околу играчкиот кадар, потврда на истиот и промоција на нови засилувања, како и утврден распоред за одигрување на пријателските натпревари.
