Македонскиотшампион ЖФК Љуботен продолжува со амбициозна трансфер политика пред стартот на новата сезона и настапот во Лигата на шампионите.
Тетовскиот клуб ја рати Анида Идризи, поранешна младинска репрезентативка на Македонија до 19 години и една од најголемите надежи на левата бековска позиција. Идризи повторно ќе го облече дресот на Љуботен и ќе биде засилување токму на левата страна во одбраната. Од клубот се надеваат дека камбекот на Идризи ќе донесе стабилност и квалитет на дефанзивниот план, а со тоа и исполнување на поставените цели.
Покрај домашното засилување, ЖФК Љуботен го претстави и своето прво интернационално засилување за оваа сезона – Ајури Тераваки, јапонска фудбалерка која доаѓа од редовите на Жалгирис од Литванија.
Тераваки има значајно искуство во балканскиот фудбал, играјќи за хрватските клубови Ријека, Хајдук, Сплит и Чаковец, а сега ќе биде новата креативна сила во средниот ред на Љуботен. Јапонката важи за играч кој може подеднакво добро да делува и во средината и во нападот, што ќе биде од огромно значење за тетовскиот клуб во претстојната сезона.
ЖФК Љуботен јасно ја демонстрира својата решеност – да создаде конкурентен тим за домашната сцена, но и за настапите на меѓународната сцена.
