Младата и талентирана Ведрана Комненова ќе биде нов чувар на голот на шампионот ЖФК Љуботен. Репрезентативката на Македонија до 19 години се сели од екипата на Скопје и доаѓа во редовите на шампионот од Тетово.
Својата кариера Комненова ја започна во редовите на Кул, од каде потоа продолжи во Скопје. Актуелниот шампион кој во новата сезона ќе ја брани двојната круна и го очекуваат предизвиците во квалификациите за Лигата на шампионите добива конкуренција меѓу стативите.
Комненова е талентиран голман и ќе биде голема конкуренција меѓу стативите, а од клубот истакнаа дека се надеваат на долга и успешна соработка и исполнување на зацртаните цели.
