Новиот прволигаш Башкими од Куманово продолжува со промоција на нови играчи, а денес го претстави и Есмин Личина.
Се работи за искусен дефанзивец кој има големо искуство во македонскиот и косовскиот фудбал, а во својата кариера настапуваше за Шкупи, Македонија ЃП, Скопје, Вардар, додека пак во странство настапуваше за Малишева од Косово.
Со 27-годишниот Личина, Башкими добива сигурност и стабилност во одбраната, а прволигашот од Куманово гради конкурентен тим со кој ќе сака да има одлични резултати и висок пласман на табелата.
