По три одиграни кола во Општинската фудбалска лига Битола А1 или Четврта лига по ранг на натпреварување, фудбалерот на Јени Маале Спорт, 24-годишниот Хајдин Мустафаи е најдобар стрелец со три постигнати погодоци.
Јени Маале е хитот во македонскиот фубдал со одличната организација, со одличното менаџирање на официјалните страници на клубот на социјалните мрежи како и со дебитантското учество во Купот на Македонија против прволигашот Шкендија во Тетово.
На листата на стрелци има девет фудбалери со по два погодоци. Зоран Атанасовски од Пелагонија Бел Камен, Александар Ѓорѓиевски од Крошу Спорт, Игор Китанов од Победа Ивањевци, Дејан Колевски од екипата на Поешево, Христијан Милевски од Пелагонија Бел Камен, Антонио Николовски од Поешево и Андреј Паревски, Даниел Паревски и Никола Трајчевски од екипата на Победа Ивањевци.
Дури 16 фудбалери се имаат запишано во листата на стрелци со по еден гол, а фудбалерот на Црна Рекла од с. Долна Чарлија, Пецо Стојчевски си постигна автогол.
Во однос на табелата Победа од Ивањевци има девет погодоци и се наоѓа на врвот од табелата, Крошу Спорт е втор со седум погодоци, Пелагонија Бел Камен е трета со шест погодоци.
Јени Маале е на 4. место со четири погодоци, Баир Спорт е петти со три погодоци, колку што има и тимот на Поешево. Без бодови се екипите на Црна Река и Партизан 2021.
