По три одиграни кола во Третата македонска фудбалска лига – Запад, најдобар стрелец е Брендим Рушити, фудбалерот на Дрита со четири постигнати погодоци.
Четири фудбалери имаат постигнато по три погодоци. Филип Димитроски од ланскиот второлигаш Тетекс, Ментор Саљиу од Џепчишти, Харис Сулимани од Доброшти и Агон Хашими од Зајази.
По два погодоци имаат постигнато Арлинд Алији од Џепчишти, Арлинд Берзати од Камјани, Бетим Етеми од Доброшти, Албулен Имери од Влазерими, Младен Котевски од екипата на Напредок од Кичево, Ерен Мемеди од Камјани, Бајрам Мемеди од Велазерими од Слатино, потоа Бојан Михајловски од Вардар 2022 Брвеница, Ермал Саити од екс прволигашот Ренова, Меритон Салији од Тетекс и Хузри Џемаили од Дрита.
По три одиграни кола има и три автогола, а тоа се Дрин Рустеми од Џепчишти, Рефет Синани од Вардар 2022 од Брвеница и Изаир Фетаи од Ренова.
Овој викенд ќе бидат одиграни мечеви од четвртата рунда на Трета лига – Запад.
