Турнирот во мал фудбал „Ораовица 2025“ полека се подготвува за уште едно спектакуларно издание, а пријавувањето за учество е во тек до 15 јули, кога ќе се одржи и ждребувањето. Турнирот ќе започне на 16 јули, а се очекува уште една спортска фешта со одлични натпревари и незаборавна атмосфера.
Во изминатите години, овој турнир изгради силна традиција и прерасна во едно од најпрестижните фудбалски случувања во регионот. Многу екипи ја впишаа својата приказна во историјата на турнирот, борејќи се за пехарот и признанието за најдобар тим.
- Листа на досегашни освојувачи на „Ораовица“:
2016 – Дооел Бино
2017 – Златно Зрно
2018 – Дијаспора Изведен
2019 – Златно Зрно
2020 – не се одржа поради пандемијата со Ковид-19
2021 – Јанев Пласт
2022 – Гостилница кај Џек
2023 – Гостилница кај Џек
2024 – Фреит Оне
2025 – Кој ќе биде новиот шампион?
Конкуренцијата годинава се очекува да биде особено силна, а големиот награден фонд од 325.000 денари дополнително го зголемува интересот кај екипите. Пријавувањето е веќе во тек, а котизацијата изнесува 4.000 денари.
- Екипите можат да се пријават на броевите:
078 433 987
071 250 418
072 595 863
Исто така, покрај сениорските екипи, организаторите најавија и пионерски категории за деца родени 2010–2013 и 2014–2018, што значи дека и најмладите ќе имаат своја шанса да блеснат на теренот.
Оваа година, Спортска Мрежа за првпат ќе биде медиумски покровител на турнирот, обезбедувајќи целосна покриеност со извештаи, видеа и резултати.
Организатор на турнирот е ФК Изведен, со поддршка од Општина Радовиш како генерален покровител.
