ФК Пелистер го претстави своето второ засилување за претстојната сезона, ангажирајќи го српскиот интернационалец Петар Ристиќ, кој доаѓа од редовите на српскиот клуб Трајал Крушевац.
По официјалната промоција како нов играч на „зелено-белите“, Ристиќ даде изјава за клубската веб-страница:
„Голема чест ми е што го носам дресот на Пелистер. Свесен сум што значи овој клуб, и за мене тоа претставува голема одговорност.
Подготвен сум да дадам сè од себе и да му помогнам на тимот во остварувањето на заедничките цели.
Гледав снимки од последните дерби-натпревари и со нетрпение го очекувам моментот кога ќе играм пред полни трибини, со безрезервна поддршка од навивачката група Чкембари.“
Со неговото доаѓање, Пелистер добива дополнителна сила во ростерот, додека клубот продолжува активно да се засилува во пресрет на новата натпреварувачка сезона. Утре на стадионот Петар Милошевски во 17:00 часот ќе се одигра првиот контролен натпревар помеѓу екипите на Пелистер и Струга Тим Лум.
