Триесет и тригодишниот Дарко Глишиќ е новото засилување во редовите на Ѓорче Петров. Минатата сезона тој настапуваше за Гостивар, каде што одигра солидна сезона и со своето искуство придонесе за стабилноста на тимот.
Искусниот лев бек е познат по својата дефанзивна сигурност, агресивен пристап и способност да се вклучи во нападот. Во текот на својата богата кариера настапувал за бројни македонски клубови, меѓу кои Скопје, Вардар, Тетекс и Шкупи. Неговиот квалитет го однесе и во странство, каде ги носеше дресовите на Олимпик Сараево , Динамо Тбилиси, Септември Софија, Арда, и Доха.
Со своето меѓународно и домашно искуство и лидерски квалитети, Глишиќ се очекува да биде важен играч во дефанзивата во тимот на Ѓорче Петров во новата натпреварувачка сезона. Од клубот веруваат дека неговото доаѓање ќе донесе дополнителен квалитет, сигурност и искуство.
