Со нови четири натпревари исполнети со борбеност и фудбалска драма, вечерва официјално заврши осминафиналната фаза на традиционалниот „Петровденски турнир“ во Конче.
Публиката и овојпат имаше што да види, а сега сите погледи се насочени кон четвртфиналните дуели што стартуваат утре (среда)
Фреинт Оне – Стивал Лубница 5:2
Екипата на Фреинт Оне демонстрираше зрелост и стабилна игра, победувајќи со сигурна разлика и обезбедувајќи четвртфинален билет.
Jаков Тобако – Фенербахче Кичево 0:3 (службено)
Екипата на Јаков Тобако не се појави на теренот, по што натпреварот беше регистриран со службена победа од 3:0 за Фенербахче Кичево.
Фенербахче Струмица – Ресторан Гринс 6:4
Еден од најинтересните и најефикасни мечеви досега. Двете екипи се менуваа во водство, но на крајот Фенербахче Струмица беше поискусна и обезбеди пласман меѓу најдобрите осум.
Радио Имплус – Валентина Промет 0:3
Стабилен и тактички зрело одигран меч од Валентина Промет, која со оваа победа го комплетираше списокот на четвртфиналисти.
Турнирот е во организација на ФК Серта – Конче, а Спортска Мрежа како медиумски покровител обезбедува секојдневно покривање со извештаи, резултати, видео содржини и анализа.
